ტრენინგის მეცხრე დღე

  

 როგორც ყოველი დღე, ტრენინგის დღე ახლაც წინა დღის გამეორებით დავიწყეთ, შემდეგ გავაკეთეთ ჩვენი პროექტების პრეზენტაცია, მომდევნო სამუშაო ბლოგის გაჯეტებს დაეთმო, ბლოგზე ჩავსვით ჩვენთვის საჭირო გაჯეტები: განათლების სამინისტრო, მასწავლებლის სახლი, ასევე ვისწავლეთ ჩვენი ბლოგის ვიზიტორთა რაოდენობის დადგენაც. ბოლოს შევაჯამეთ მთლიანად ტრენინგის განმავლობაში შესწავლილი მასალა და გადმოგვეცა შესაბამისი სერტიფიკატები.

ტრენინგის მერვე დღე

     ტრენინგის მერვე დღე დავიწყეთ საშინაო დავალების მიმოხილვით, დავასრულეთ პროექტის გეგმის შევსება, შემდეგ შევქმენით მოსწავლეთათვის პროექტის გზამკვლევი, რომელსაც ფასილიტაციის მასალა ეწოდება, კიდევ ერთხელ გადავხედეთ პროექტის გეგმას და გავამზადეთ ბლოგზე ასატვირთად, შემდეგ ვისწავლეთ ჰიპერლინკების მიბმა და მოხსნა, ახლა გამზადებული პროექტის გეგმა ავტვირთეთ ბლოგზე, აქვე ვისწავლეთ საათის ჩასმა ბლოგზე და ბოლოს გავამზადეთ ანგარიში.

ტრენინგის მეშვიდე დღე

სამუშაო დღე დავიწყეთ წინა დღის გახსენებით. შემდეგ შევადგინეთ კითხვარი ყველა მოსწავლის საჭიროების გათვალისწინებით.შემდეგ ვიმუშავეთ გეგმის დახვეწა-სრულყოფაზე, შევქმენით ფოტოალბომი(picasa) და ისევ ბლოგზე მუშაობას დავუბრუნდით. ბოლოს გავაკეთეთ დღის ანგარიში-რეფლექსია.

ტრენინგის მეექვსე დღე

   ტრენინგის მეექვსე დღე დაიწყო წინა მასალის გამეორებით. შემდეგ დავამზადეთ შეფასების რუბრიკები,, მე ჩემი პროექტისთვის მოვამზადე საინფორმაციო ბუკლეტის კრიტერიუმები, პროექტის შეფასების გზამკვლევი და თანატოლთა შეფასების ფორმა. ამის შემდეგ ვიმუშავეთ ბლოგზე, დავამატეთ გვერდები. ბოლოს კი მოვამზადეთ ანგარიში.

ტრენინგის მეხუთე დღე

მეხუთე დღე დავიწყეთ წინა მაასალის გამეორებით. შემდეგ განვიხილეთ საგნობრივი სტანდარტი და ჩავსვით პროექტის  გეგმაში. შემდეგ ვისწავლეთ, თუ როგორ ჩავსვათ გამოყენებული წყარო პროექტში, როგორ დავწეროთ კომენტარი სხვის ნაშრომზე და როგორ გამოვიყენოთ ბლოგის ინსტრუმენტები: ლინკის მიბმა, სათაურისა და მისამართის შეცვლა, დიზაინის შეცვლა. ბოლოს განვიხილეთ გაჯეტები- სურათისა და გამოკითხვის ჩასმა.                                      

ტრენინგის მეოთხე დღე

     

ტრენინგის მეოთხე დღე დავიწყეთ ნასწავლი მასალის გამეორებით. შემდეგ დავასრულეთ წინა დღით დამზადებული ბუკლეტი, გავაფორმეთ სურათებით. გადავხედეთ პროექტის გეგმას და დავხვეწეთ. შემდეგ მოვამზადეთ პროექტის პრეზენტაცია და გადავიტანეთ ბლოგზე გუგლი დრაივის დახმარებით, ბოლოს მოვამზადეთ რეფლექსია.

ტრენინგის მესამე დღე

ტრენინგის მესამე დღე დავიწყეთ წინა დღეს ნასწავლი მასალის გამეორებით. შემდეგ განვიხილეთ პროექტის მიზნები ზოგადად და შევარჩიეთ ჩვენთვის მისაღები მიზნები, რაშიც დაგვეხმარა მიმართულების მიმცემი საკვანძო შეკითხვები. ამის შემდეგ ვიმუშავეთ ჩვენი პროექტის გეგმაზე, შევადგინეთ დროში გაწერილი შეფასების გეგმა და დავწერეთ მესამე დღის ანგარიში.

ტრენინგის მეორე დღე

    

  ტრენინგის მეორე დღე დაიწყო წინა დღის გახსენებით. შემდეგ განვიხილეთ საშინაო დავალება- უნდა წარმოგვედგინა ერთი პროექტის იდეა. ამის შემდეგ გავეცანით ბუკლეტის ნიმუშებს და შევქმენითბუკლეტის ერთი ნიმუშიც. საინტერესო იყო ტექსტურ რედაქტორში მუშაობა, განვიხილეთ სურათის ჩასმა, ტექსტზე ფერის შეცვლა, ტექსტის დადება, მუშაობა დავამთავრეთ სარეკლამო ბუკლეტების შექმნით, შემდეგ კი მოვამზადეთ დღის ანგარიში.

ტრენინგის პირველი დღე

ტრენინგი დაიწყო ერთმანეთის გაცნობით,შემდეგ გავეცანით ინტელის სასწავლო კურსის მნიშვნელობას და ვნახეთ ფილმი " ხიდი მომავლისკენ ". შემდეგ გავეცანით გზამკვლევის შინაარსს, განვიხილეთ 21-ე საუკუნის უნარ-ჩვევები. ინტელის სასწავლო კურსი რვა მოდულისგან შედგება, ჩვენ განვიხილეთ 1-ლი მოდული,რომელიც პროექტის მოთხოვნების გაცნობას შეიცავს,  შევადგინეთ პროექტის პორტფოლიოს საქაღალდეები და დეტალურად განვიხილეთ თითოეული. გავხსენით პორტფოლიოს ჩეკლისტი, პროექტის გეგმის შაბლონი, სასწავლო მიზნები, პორტფოლიოს რუბრიკა და შევინახეთ რესურსებში. გავეცანით სხვისი პროექტების ნიმუშებსაც...